Талбайн теннис: София Кенин анх удаа аваргаллаа

1575

Австралийн нээлттэй тэмцээний эмэгтэйчүүдийн ганцаарчилсан төрөлд 21 настай АНУ-ын теннисчин София Кенин түрүүллээ.

Аваргын төлөө анх удаа тунаж үлдсэн С.Кенин Испанийн Гарбин Мугурусаг 4:6, 6:2, 6:2-оор буулган авч, Их Дуулгын анхны түрүүгээ хүртсэн юм.

С.Кенин ОХУ-ын Москвад төрсөн ч АНУ руу цагаачилсан гэр бүлээс гаралтай нэгэн. Хагас шигшээд Австралийн гол найдвар болоод буй дэлхийн №1 Эшли Бартиг Их Дуулга тэмцээнд дэлхийн №1-ийг буулган авсан хамгийн залуу эмэгтэй теннисчдийн нэг болсон юм.

Харин энэ удаад алдарт Сэрэна Уильямсаас хойш хамгийн залуудаа цом хүртсэн эмэгтэй теннисчин болов.

Түүнчлэн нэгэн үед биширч явсан ОХУ-ын теннисчин Мария Шарапова (2008) гоос хойш Австралийн нээлттэй тэмцээнд түрүүлсэн хамгийн залуу аварга болжээ.

София Кенин

С.Кениний эцэг Алекс нь англиар сайн ярьж чаддаггүй аж. Тэрбээр Нью-Йоркт таксины жолооч хийж, амьдралаа залгуулдаг байлаа.

Шинэхэн аваргаас шагналынхаа 4 сая австрали доллароор юу хийхээр төлөвлөж байгаа тухай асуухад “Нью Йоркт очиж, дэлгүүр хэснэ дээ” гэж хариулжээ.