Танилцуулга

Монголын хөлбөмбөгийн холбоо анх 1959.10.01 өдөр үүсгэн байгуулагдаж, 1997 оноос шинэчлэн зохион байгуулагдаж үйл ажиллагаагаа идэвхжүүлсэн.

Гишүүнчлэл:

• 1997 онд Азийн хөлбөмбөгийн холбоо (AFC)-д элссэн
• 1998 онд Дэлхийн хөлбөмбөгийн холбоо (FIFA)-д элссэн
• 2002 онд Зүүн азийн хөлбөмбөгийн холбоо (EAFF)-д элссэн

Монголын Хөлбөмбөгийн Холбоо нь хүн төрөлхтний их спорт хөлбөмбөгийг Монгол улсад түгээн дэлгэрүүлэх,  тогтвортой хөгжүүлэх, спортын эв нэгдэл, боловсрол,  болон хүмүүнлэгийн олон талт ач холбогдолыг олон нийтэд сурталчилан таниулах, Монгол улсын хөлбөмбөгийн спортын хөгжлийг дэлхийн дэвжээнээ гаргах, улс, олон улсын чанартай бүх төрлийн хөлбөмбөгийн тэмцээнийг зохион байгуулах зорилго бүхий үйл ажиллагаа явуулдаг байгууллага юм.

Монголын хөлбөмбөгийн хөгжлийн бодлого төлөвлөгөөг боловсруулах, үндэсний хэмжээнд хөлбөмбөгийн төрөл бүрийн тэмцээн зохион байгуулж явуулах, улсын шигшээ багийг бүрдүүлэх, бэлтгэл сургуулилтыг нь хангах, хөлбөмбөгийн материаллаг бааз бүрдүүлэх, сургалт зохион байгуулах, хөлбөмбөгийн клубуудыг дэмжих зэрэг олон талт үйл ажиллагаа эрхэлдэг.