Үндэсний цэцэрлэгт хүрээлэн спортоор амьсгална

04/07/2021 Нийтлэгч: 34
БТСУХ, ҮЦХ хамтын ажиллагаа
БТСУХ, ҮЦХ хамтын ажиллагаа

Засгийн газрын тохируулагч агентлаг Биеийн тамир, спортын улсын хорооны дарга Ц.Шаравжамц болон албаныхан Үндэсний цэцэрлэгт хүрээлэн ОНӨТҮГ-ын үйл ажиллагаатай танилцаж, хамтран ажиллах талаар санал солилцлоо.

Цаг агаарын нөхцөл байдалтай холбоотойгоор “Үндэсний цэцэрлэгт хүрээлэн”-гийн үйл ажиллагаа, ачаалал нь ихэвчлэн дөрөвдүгээр сараас нэмэгддэг. Иргэдийн хувьд өглөөний 06.00 цагаас эхлэн дугуйн болон гүйлтийн замуудыг түшиглэн дасгал хөдөлгөөн хийдэг.

Дулаан үед цэцэрлэг хүрээлэнгийн зам талбай зарим тохиолдолд хүрэлцдэггүй байна.

Нийтийн биеийн тамирыг хөгжүүлэх, дасгал хөдөлгөөнөөр дамжуулан ард иргэдийг эрүүл, зөв амьдралын хэмнэлд хэвшүүлэх, хүүхэд залуусыг спортод дур сонирхолтой болгоход чиглэсэн бүхий л ажлуудыг дэмжинэ.

Биеийн тамир, спортын улсын хорооны дарга Ц.Шаравжамц

Мөн олон нийтэд хүрэлцдэггүй зам, талбайг шинээр барьж байгуулах, засаж шинэчлэхэд дэмжлэг үзүүлэхээр боллоо. Түүнчлэн иргэдийг өвлийн улиралд ч дасгал хөдөлгөөн хийх боломжийг бүрдүүлж, цана, тэшүүр, хоккейн талбайг шинээр байгуулах талаар санал солилцсон юм. Түүнчлэн “Үндэсний цэцэрлэгт хүрээлэн”-д өмнө нь байгуулсан спортын зам талбайн ашиглалтыг нэмэгдүүлэх, мэргэжлийн спортын холбоодын үйл ажиллагааг дэмжих зэрэг хэд хэдэн чиглэлд Үндэсний цэцэрлэгт хүрээлэн ОНӨТҮГ-тай “Хамтран ажиллах санамж бичиг” байгуулан ажиллахаар зөвшилцлөө.

Эх сурвалж: Биеийн тамир, спортын улсын хороо

Сүүлд нэмэгдсэн

П.Буяндэлгэр Азийн бөхийн холбооны нарийн бичгийн даргаар томилогдов

Азийн бөхийн нэгдсэн холбооны хурал Казахстаны Алматы хотод болж байна. Энэхүү хурлаар Монголын чөлөөт бөхийн холбооны гадаад харилцааны албаны дарга… Дэлгэрэнгүй …

Луис Суарез “Ливерпүүл”-д буцаж ирэх үү

Луис Суарез энэ зуны солилцоо наймааны цонхоор “Атлетико Мадрид”-ыг орхиж хуучин баг болох “Ливерпүүл”-дээ эргэн очих хүсэлтэй байгаа талаараа Испанийн… Дэлгэрэнгүй …

“Барселона” болон “Реал Мадрид” энэ бол дэлхийн III дайн

Хөлбөмбөгийн ертөнцийн хамгийн заналт өрсөлдөгч нарын тулаан өнөөдөр болно. Энэ бол алдарт Эл Классико, Гранд Дерби. “Барса” болон “Реал”. Уг… Дэлгэрэнгүй …

Филип Адамс: Өмнөд Каролинагийн алуурчин

Нас барсан таван хүний хоёр нь насанд хүрээгүй хүүхэд байв. Өмнөд Каролинагийн Рок Хилл бол хүн амынхаа тоогоор муждаа тавдугаарт… Дэлгэрэнгүй …

Тони Надаль Феликс Оже-Альяссимыг дасгалжуулна

Их Дуулгын 20 түрүүтэй Рафаэль Надалийн авга ах бас дасгалжуулагчаар нь ажиллаж байсан Тони Надаль Канадын залуу теннисчин Феликс Оже-Альяссимын… Дэлгэрэнгүй …