“Сонирхогчдын лиг – 5” тэмцээний удирдамж

05/15/2022 Нийтлэгч: 147

Нэг. Нийтлэг зүйл

1. Тэмцээний зорилго нь зуун буудалт даамын спортыг сурталчлах, хичээллэгсдийн хамрах хүрээг өргөжүүлэх, цар тахлын улмаас тасалдсан сонирхогчдод зориулсан уламжлалт тэмцээнийг сэргээхэд оршино.
2. Монголын даамын холбоо, УБТЗ-ын Татах хэсгийн “Дөл” клуб хамтран тус тэмцээнийг зохион байгуулна.
3. Монголын даамын холбооны “Тэмцээн уралдаан зохион байгуулах дүрэм”, Улсын онцгой комиссын халдвар хамгааллын журмыг баримтлан тэмцээнийг зохион байгуулна

Хоёр. Хугацаа, зохиогдох газар, бүртгэл

1. Тэмцээн 2022 оны 5 дугаар сарын 21-ны бямба гаригт Зүтгүүрийн Депогийн спорт танхимд зохиогдоно.

2. Бүртгэлийг 2022 оны 5 дугаар сарын 15-19-ны өдрүүдэд зөвхөн цахимаар хийнэ. Бусад хэлбэрээр бүртгэхгүй. Google Form холбоосыг бүрэн гүйцэд бөглөж, төлбөр тушаасан баримт хавсаргаснаар бүртгэлийг хүчин төгөлдөрт тооцно.   

3. Бүртгүүлэх холбоос https://docs.google.com/forms/d/1zdiE-wd_bHh-P-rgDVjHSMofkdRutD5UbGSix2z0oC4/edit?usp=sharing  

4. Бүртгэлийн хураамж 15.000 ₮

5. Бүртгүүлсэн тамирчид 2022 оны 5 дугаар 21-ний өглөө 9:30 цагт тэмцээн болох байранд бэлэн байна.

Гурав. Тэмцээний журам

1. Тэмцээнд I, II, III зэрэгтэй болон зэрэггүй даамчид нас хүйс харгалзахгүй оролцоно. I, II зэрэгтэй даамчид “А” ангилалд, III зэрэгтэй болон зэрэггүй даамчид “В” ангилалд өрсөлдөнө.
2. Цагийн хяналт нэг талдаа 15 мин + нүүдэл бүрт 3 сек-ийн бонустай байна.
3. Швейцарь системээр 9 өрөг тоглоно.
4. Оноолт болон дүнг Standard FMJD Swiss оноолтын дагуу гаргана

Дөрөв. Шагнал урамшуулал

1. Ангилал тус бүрийн эхний 3 байрыг шалгаруулж өргөмжлөл, мөнгөн шагнал олгоно. 
2. Монгол Улсын “Спортын төрөл, цол зэргийн нэгдсэн ангилал”-ын дагуу тус тэмцээнд тамирчин авбал зохих оноо (9 өрөг тоглоно)-ноос дараах болзлыг хангасан тохиолдолд спортын цол, зэрэг биелүүлнэ

“А” ангилал: 14 батүүнээс дээш онооДэд мастерын 1 балл, 11-13 оноо – I зэрэг

“В” ангилал: 12 ба түүнээс дээш оноо – II зэрэг, 9-11 оноо – III зэрэг

МОНГОЛЫН ДААМЫН ХОЛБОО
Утас: 9990-6402

Сүүлд нэмэгдсэн

Триатлоны аваргуудыг Ард койноор шагнана

Тэсвэр хатуужлын спорт-триатлоны Улсын аварга шалгаруулах тэмцээн долдугаар сарын 7-8-нд Архангай аймгийн Өгийнуурт болох юм. Тэмцээн элит, холимог багийн буухиа,… Дэлгэрэнгүй …

Сонирхогчдын улсын аваргууд тодорлоо

Даам сонирхогчдын улсын аварга шалгаруулах тав дахь удаагийн тэмцээн 2022 оны зургадугаар сарын 3-5-ны өдрүүдэд Орхон аймгийн төв Эрдэнэт хотноо… Дэлгэрэнгүй …

Даам сонирхогчдын 2022 оны улсын аварга шалгаруулах тэмцээний удирдамж

Нэг. Нийтлэг зүйл           1. Тэмцээний зорилго нь даамын спортыг сурталчилах, хичээллэгсдийн хамрах хүрээг өргөжүүлэх, сонирхогчдын улсын аваргуудыг тодруулахад оршино…. Дэлгэрэнгүй …

“Сонирхогчдын лиг 5” тэмцээн боллоо

Зуун буудалт даам сонирхогчдын хүрээг тэлэх, мэдлэг чадварыг хөгжүүлэх, зэрэг цолыг ахиулахад чиглэсэн Сонирхогчдын лигийн тэмцээнийг Монголын даамын холбоо 2019… Дэлгэрэнгүй …

Ц.Хашчулуун, Б.Мишээл нар “Ховд опен 2022”-д түрүүлэв

Ховд аймгийн “Алтайн хүлэгч” даамын холбоонос зохион байгуулсан нээлттэй тэмцээн 2022 оны 5 дугаар сарын 21-22-нд зохиогдлоо. Жаргалант сумын БТСГ-т… Дэлгэрэнгүй …