NFL: “Канзас Сити Чифс”-ийн хагас зууны хүлээлт төгсөв

6 сарын өмнө Нийтлэгч:

Одоогоос 50 жилийн өмнө буюу 1970 оны нэгдүгээр сарын 11-нд “Канзас Сити Чифс” баг анх удаа супер боулд түрүүлж байсан түүхтэй. Түүнээс хойш энэ баг дээрх амжилтаа давтаж чадаагүй юм. “16” дугаартай Лен Даусоны тэрхүү амжилтыг “15” дугаартай Патрик Махомес давтаж, хагас зууны дараа багаа ялалтад хөтөллөө.

Тэдний эсрэг “Сан Франциско 49” баг тунаж үлдсэн. Энэ баг 1981-94 оны хооронд таван удаа түрүүлсэн бөгөөд нийт долоон удаа супербоулд өрсөлдөж байв. Хамгийн сүүлд 2012 онд “Балтимор Рэйвэнс”-т ялагдаад үзүүрлэсэн баг.

Уг тоглолтын эхний хагас ижилхэн 10:10-аар өндөрлөсөн бол гуравдугаар үед “Сан Франциско 49”-ийн шигүү хамгаалалтыг П.Махомес тэргүүтэй “чифсчүүд” давж чадсангүй. Хоёр ч удаа оновчгүй дамжуулалтаар довтолгоогоо төгсгөсөн үр дүнд нь “49”-чүүд 10 оноо авч, тоглолтын харьцааг 20:10-аар илүүрхлээ.

Харин шийдвэрлэх дөрөвдүгээр үед лигийн шилдэг довтолгоотой баг болохоо нотолж, канзасчууд 21 оноо түүлээ. П.Махомесийн дамжуулалтаар Трэвис Кэйс тооны харьцааг ойртуулсан бол багаа хожилд хөтөлсөн чухал оноог Дамиен Уильямс авчирсан юм.

Супербоулын үнэ цэнэтэй тоглогчоор Патрик Махомес тодорсон. Энэ жил 24 настай энэ залуу эрхэм спортын удамтай нэгэн. Түүний эцэг нь мэргэжлийн бэйсболын тамирчин асан, Пат Махомес юм. Хүү Патрик нь ахлах сургууль болон коллежид байхдаа сагсан бөмбөг, бэйсболоор хичээллэдэг байсан ч эцэст нь америк хөлбөмбөгийг сонгосон билээ.

54 дэх удаагийн супер боул Майами хотын “Hard Rock” цэнгэлдэхэд болж, нийт 62,417 үзэгчид хуран цугласан. Майамигийн энэ цэнгэлдэхэд зургаа дахь удаагаа супер боул зохион байгуулагдсан бөгөөд тухай бүрт өөр нэртэй байжээ. Тодруулбал, 1995 онд Жо Роббигийн цэнгэлдэх нэртэй байсан бол дөрвөн жилийн дараа “Pro Player Stadium” болж нэрээ өөрчилсөн. Харин 2007 онд зохион байгуулахад “Долфин” хэмээх багийнхаа нэрээр нэрлэгдсэн бол 2010 онд “Sun Life Stadium” болж байв.

Сүүлд нэмэгдсэн

Английн премьер лигийн сүүлийн 10 жил

Английн лигийн сүүлийн 10 жилийг 5 минутанд.

Наадам 2020: Улсын арслан П.Бүрэнтөгс түрүүллээ

Тулгар төрийн 2229, Их Монгол улсын 814, ардын хувьсгалын 99 жилийн ой, үндэсний их баяр наадамд хүчит 512 бөх зодоглосон… Дэлгэрэнгүй …

Наадам 2020: Долоон начин, гурван харцага төрлөө

Хүчит бөхийн барилдааны зургаагийн даваанд Өмнөговь аймгийн Ханхонгор сумын харьяат, улсын начин Цэдэнбазарын Одбаяр цэргийн арслан, шинээр начин болсон Т.Дүгэрдоржийг… Дэлгэрэнгүй …

Наадам 2020: Есөн шинэ начин төрлөө

Хүчит бөхийн барилдааны тавын даваа буюу начны даваанд улсын аварга дөрөв, улсын арслан гурав, гарьд нэг, заан хоёр, харцага нэг,… Дэлгэрэнгүй …

Наадам 2020: Харцагууд нурсан дөрвийн даваа

Тулгар төрийн 2229, Их Монгол улсын 814, ардын хувьсгалын 99 жилийн ой, үндэсний их баяр наадамд хүчит 512 бөх барилдаж… Дэлгэрэнгүй …