А.Батцэцэг хүрэл медаль авлаа

2127

Азийн наадмын хоёр дахь өдөр чөлөөт бөхийн эрэгтэй 125 кг, эмэгтэй 50, 53, 57, 62 кг жинд манай улсын таван бөх зодоглосон. Тодруулбал, эрэгтэйчүүдийн хүнд жинд Н.Золбоо, эмэгтэйчүүдийн 50 кг-д Э.Нарангэрэл, 53 кг Э.Сумъяа, 57 кг-д А.Батцэцэг, 62 кг-д П.Орхон нар хүч сорьсон юм.

Манай бөхчүүдээс П.Орхон 62 кг-д аваргын алтан медалийн төлөө өрсөлдөх болсон. Түүнчлэн А.Батцэцэг, Э.Сумъяа нар хүрлийн төлөө хүч сорьсон билээ.

57 кг-д эх орноо төлөөлөн энэ жилийн ДАШТ-д явах эрхээ авсан Алтанцэцэгийн Батцэцэг БНСУ-ын бөх Юм Жи Енийг 5:2-оор буулган авч, Монголын багийн зургаа дахь, чөлөөт бөхийн төрөлд тав дахь медалийг авчирлаа.

А.Батцэцэг энэ жилийн сорилго барилдаанд С.Цэрэнчимэдийг ялснаар ДАШТ-д явах эрхээ авсан юм.