М.Шийравжамц, Г.Хэрлэнмөрөн нар аваргалав

09/24/2019 Нийтлэгч: 349

Монголын даамын холбооноос 12 дахь удаагийн оюутны улсын аварга шалгаруулах тэмцээнээ 2019 оны есдүгээр сарын 20-22-ны өдрүүдэд зохион байгууллаа. Техник технологийн дээд сургууль дээр болсон тус тэмцээнд эрэгтэй 33, эмэгтэй 12 тамирчин өрсөлдсөн юм.

Эмэгтэйчүүд швейцарь системээр 7 өрөг тоглосноос “Идэр” их сургуулийн оюутан ДДХМ Г.Хэрлэнмөрөн, “Ач” АУИС-ийн оюутан спортын мастер Б.Отгон-Эрдэнэ нар адилхан 12 оноотой гарч, коэффициентийн давуугаар нэмэлт Г.Хэрлэнмөрөн аваргын алтан медаль хүртлээ. Тэрбээр ийнхүү хоёр дахь жилдээ дараалан улсын аварга боллоо. Хүрэл медалийн эзнээр 10 оноо авсан МУИС-ийн оюутан, спортын дэд мастер С.Энхтүвшин тодорсон. Шагналт IV-V байрыг “Мандах” их сургуулийн оюутан, дэд мастер С.Гандиймаа, ШУТИС-ийн оюутан Д.Алтанчимэг нар эзэллээ.    

Эрэгтэйчүүдийн хувьд швейцарь системээр 8 өрөг тоглож, адилхан 11 оноотой гурван тамирчин гарсан. Ингээд коэффициент буюу нэмэлт үзүүлэлтээр ялагчийг тодруулахад “Шинэ Монгол” сургуулийн оюутан ДДХМ М.Шийравжамц тэргүүлж, СЭЗИС-ийн оюутан, спортын мастер Ц.Чинзориг, “Энэрэл” дээд сургуулийн оюутан, дэд мастер Ц.Хатансайхан нар удаалав. Шагналт IV-V байранд ШУТИС-ийн оюутан, дэд мастер Ц.Төмөрбаатар, ХААИС-ийн оюутан, спортын мастер Б.Гантогтох нар шалгарлаа.

Тэмцээнийг 1975, 1977 оны улсын аваргын хүрэл медальт С.Лхагвасүрэн агсны гэр бүл, үр хүүхдүүд гурав дахь жилдээ ивээн тэтгэлээ.  

Тэмцээний дүн: ЭРЭГТЭЙ   ЭМЭГТЭЙ

Сүүлд нэмэгдсэн

“Амжилтын гараа” лигийн тэмцээний удирдамж

11 хүртэлх насны өсвөрийн тамирчдад зориулсан “Амжилтын гараа” лигийн тэмцээний удирдамжтай танилцаарай. Бүртгүүлэх холбоос

Залуучуудын УАШТ-ий дүн

20 дахь удаагийн залуучуудын улсын аварга шалгаруулах тэмцээн шинэ үеийн уран зохиолыг үндэслэгчдийн нэг Сономбалжирын Буяннэмэхийн мэндэлсний 120 жилийн ойд… Дэлгэрэнгүй …

“Сонирхогчдын лиг – 5” тэмцээний удирдамж

Нэг. Нийтлэг зүйл 1. Тэмцээний зорилго нь зуун буудалт даамын спортыг сурталчлах, хичээллэгсдийн хамрах хүрээг өргөжүүлэх, цар тахлын улмаас тасалдсан… Дэлгэрэнгүй …

Шигшээ тэмцээнд оролцох даамчид тодров

Насанд хүрэгчдийн улсын аварга шалгаруулах эрэгтэйчүүдийн 25, эмэгтэйчүүдийн 24 дэх удаагийн хагас шигшээ тэмцээн 2022 оны тавдугаар сарын 6-8-нд “Монгени”… Дэлгэрэнгүй …