Доха 2030: Азийн олимп Катарын нийслэлд болно

12/16/2020 Нийтлэгч: 1049

Азийн олимпын зөвлөл (OCA) – ийн ерөнхий ассамблей Оман улсын нийслэл Мускат хотод цахимаар хуралдах талаар манай сайт мэдээлсэн билээ.

Уг хурлаар 2030 оны Азийн наадмыг аль улс зохион байгуулах талаар санал хураасан юм. Тэгвэл OCA-гийн тэргүүн Шейх Ахмад Аль-Фахад Аль-Сабах санал асуулгад хамгийн олон санал авсан Доха хот 2030 оны Азийн наадмыг зохион байгуулах хотоор тодорсныг зарлав. Сунгаанд ялагдсан ч Саудын Арабын Рияад гар хоосон буцахгүй. Тэд 2034 оны Азийн наадмыг нутагтаа хийхээр болжээ.

Катарын Доха хот 2006 оны Азийн наадмыг зохион байгуулсан туршлагатай. Монгол Улсын шигшээ баг тэр жилийн наадмаас хошой алт (Х.Цагаанбаатар, Д.Нямхүү), таван мөнгө, найман хүрэл медаль хүртэж, багийн дүнгээр 21-д жагссан түүхтэй.

Санал хураалтыг цахимаар явуулах үеэр техникийн асуудал үүсэж, зарим улс саналаа өгөхөд хүндрэл гарсан юм. Үүгээр ч зогсохгүй Азийн олимпын зөвлөлийн гишүүний хувийн лаптопт гадны халдлага гарч, өөр хүний лаптопыг түр хэрэглэхээс өөр аргагүйд хүрчээ.

Энэхүү цахим хуралд манай улсаас МҮОХ-ны Ерөнхийлөгч Н.Түвшинбаяр, ерөнхий нарийн бичгийн дарга Э.Бадар-Ууган нарын төлөөлөгчид оролцсон билээ.

Сүүлд нэмэгдсэн

Триатлоны аваргуудыг Ард койноор шагнана

Тэсвэр хатуужлын спорт-триатлоны Улсын аварга шалгаруулах тэмцээн долдугаар сарын 7-8-нд Архангай аймгийн Өгийнуурт болох юм. Тэмцээн элит, холимог багийн буухиа,… Дэлгэрэнгүй …

Сонирхогчдын улсын аваргууд тодорлоо

Даам сонирхогчдын улсын аварга шалгаруулах тав дахь удаагийн тэмцээн 2022 оны зургадугаар сарын 3-5-ны өдрүүдэд Орхон аймгийн төв Эрдэнэт хотноо… Дэлгэрэнгүй …

Даам сонирхогчдын 2022 оны улсын аварга шалгаруулах тэмцээний удирдамж

Нэг. Нийтлэг зүйл           1. Тэмцээний зорилго нь даамын спортыг сурталчилах, хичээллэгсдийн хамрах хүрээг өргөжүүлэх, сонирхогчдын улсын аваргуудыг тодруулахад оршино…. Дэлгэрэнгүй …

“Сонирхогчдын лиг 5” тэмцээн боллоо

Зуун буудалт даам сонирхогчдын хүрээг тэлэх, мэдлэг чадварыг хөгжүүлэх, зэрэг цолыг ахиулахад чиглэсэн Сонирхогчдын лигийн тэмцээнийг Монголын даамын холбоо 2019… Дэлгэрэнгүй …

Ц.Хашчулуун, Б.Мишээл нар “Ховд опен 2022”-д түрүүлэв

Ховд аймгийн “Алтайн хүлэгч” даамын холбоонос зохион байгуулсан нээлттэй тэмцээн 2022 оны 5 дугаар сарын 21-22-нд зохиогдлоо. Жаргалант сумын БТСГ-т… Дэлгэрэнгүй …