Жүдо: М.Уранцэцэгийн гурван жил хүлээсэн алт

03/06/2021 Нийтлэгч: 1420

Олон улсын жүдо бөхийн холбоо (IJF) – ноос зохион байгуулдаг цуврал тэмцээний нэг Ташкентын Их Дуулгын эхний өдөр манай жүдочид нэг алт, хоёр мөнгөн медаль хүртлээ.

Эмэгтэйчүүдийн 48 кг-д нийт 27 жүдоч хүч сорьсон. Мөнхбатын Уранцэцэг шигшээд Японы Нацүми Цүнадог иппоноор ялснаар бүх тэмцээнийг оролцуулаад 20 дахь алт, Их Дуулгын зургаа дахь түрүүгээ хүртлээ. Тэрбээр 2018 оны аравдугаар сард Абу Дабигийн Их Дуулгад түрүүлснээс хойш бараг гурван жилийн дараа дахин алтан медаль зүүлээ.

Эмэгтэйчүүдийн 52 кг жингийн медальтнууд
Эрэгтэйчүүдийн 66 кг жингийн медальтнууд

Эмэгтэйчүүдийн 52 кг-д Лхагвасүрэнгийн Сосорбарам мөнгөн медаль хүртлээ. Тэрбээр гэмтлийн улмаас финалд Японы жүдоч Юта Абэтэй барилдаагүй юм. Энэ жил 19 настай, Залуучуудын олимпын мөнгөн медальт, залуучуудын дэлхийн аварга Л.Сосорбарам IJF-ийн цуврал тэмцээнээс хоёр дахь мөнгөн медалиа хүртэж байна. Тэрбээр 2019 оны Дюсселдорфын Их Дуулгад анх удаа медалийн тавцанд гарсан бол яг нэг жил гаруйн дараа дахин мөнгөн медаль хүртэв.

Эрэгтэйчүүдийн 66 кг-д Ёндонпэрэнлэйн Басхүү БНСУ-ын алдарт жүдоч Ан Баултай финалдаж, мөнгөн медалийн эзэн боллоо. Ё.Басхүү өмнө нь Их Дуулга тэмцээнээс дөрвөн хүрэл медаль зүүж байсан бол анх удаа финалд үлдсэн нь энэ юм.

Сүүлд нэмэгдсэн

Триатлоны аваргуудыг Ард койноор шагнана

Тэсвэр хатуужлын спорт-триатлоны Улсын аварга шалгаруулах тэмцээн долдугаар сарын 7-8-нд Архангай аймгийн Өгийнуурт болох юм. Тэмцээн элит, холимог багийн буухиа,… Дэлгэрэнгүй …

Сонирхогчдын улсын аваргууд тодорлоо

Даам сонирхогчдын улсын аварга шалгаруулах тав дахь удаагийн тэмцээн 2022 оны зургадугаар сарын 3-5-ны өдрүүдэд Орхон аймгийн төв Эрдэнэт хотноо… Дэлгэрэнгүй …

Даам сонирхогчдын 2022 оны улсын аварга шалгаруулах тэмцээний удирдамж

Нэг. Нийтлэг зүйл           1. Тэмцээний зорилго нь даамын спортыг сурталчилах, хичээллэгсдийн хамрах хүрээг өргөжүүлэх, сонирхогчдын улсын аваргуудыг тодруулахад оршино…. Дэлгэрэнгүй …

“Сонирхогчдын лиг 5” тэмцээн боллоо

Зуун буудалт даам сонирхогчдын хүрээг тэлэх, мэдлэг чадварыг хөгжүүлэх, зэрэг цолыг ахиулахад чиглэсэн Сонирхогчдын лигийн тэмцээнийг Монголын даамын холбоо 2019… Дэлгэрэнгүй …

Ц.Хашчулуун, Б.Мишээл нар “Ховд опен 2022”-д түрүүлэв

Ховд аймгийн “Алтайн хүлэгч” даамын холбоонос зохион байгуулсан нээлттэй тэмцээн 2022 оны 5 дугаар сарын 21-22-нд зохиогдлоо. Жаргалант сумын БТСГ-т… Дэлгэрэнгүй …