Жонсын дасгалжуулагч Винкелжон: UFC 50 сая ам.долларын ашиг авна

04/06/2021 Нийтлэгч: 40

Жон Жонс ба UFC-гийн тэргүүн Дана Уайт нарын хооронд болж буй маргаан Фрэнсис Нганну аварга цол авснаас долоо хоногийн дараа ч үргэлжилж байна. Жонсын хувьд Нганноутай хийх тулаанд 10 сая ам.доллар авах нь хэтэрхий бага гэдэгт түүний дасгалжуулагч Майк Винкелжон санал нэг байгаа аж.

М.Винкелжон энэ талаар нэгэн хэвлэлд өгсөн ярилцлагадаа “Би томоохон тулаан олон харж байлаа. Флойд Мейвейтер нэг тулаанааc их мөнгө олдог. Тэр хэдийг тулаанаар олсон бэ? Зуун сая уу? Би мэдэхгүй, гэхдээ хэр их олсон нь сонин биш. Яагаад гэвэл Мэйвейтер өөрийнхөө промоутер байсан, харин Жон олсон мөнгөө UFC-тэй хуваах ёстой” гэж эгдүүцжээ.

Түүний бодлоор холбоо Жон Жонсын ачаар маш их орлого олдог. Гэхдээ Жонд яагаад 50 сая “ногоон” өгч болохгүйг ойлгодоггүй байна. “Тэдэнд Жонс шиг супер одод хэрэгтэй. Конор хэсэг хугацаанд гялалзсан ч хуучин шигээ байхаа больжээ. Тулааны холбоодыг нэр хүндтэй тамирчид нь л мөнгөтэй болгодог” гэж үргэлжлүүлэн ярьсан байна.

Сэтгүүлч түүнээс Жонс, Нганну хоёр тулалдвал хэн ялах вэ гэж асуухад аль алинд нь боломж 50 хувь бий гэж хариулсан юм.

Хагас хүнд жингийн аварга Ян Блахович замналаа хүнд жинд төгсгөхийг хүсдэг

Ян Блахович

Хагас хүнд жингийн аварга Ян Блахович “PT Спорт”-д өгсөн ярилцлагадаа ирээдүйн төлөвлөгөөний талаар дурджээ. Ж.Жонс болон Ф.Нганноугийн супер тулаан болохгүй бол Ян хэн нэгэнтэй нь тулахад бэлэн байгаагаа мэдэгдсэн юм. Тэрбээр “Би одоо хагас хүнд жингийн бүс эзэмшиж байна. Жонс эргэн ирсэн ч хүнд жинд тулалдахыг хүсч байгаа. Тиймээс дээд жиндээ өрсөлдөхөд татгалзах зүйл алга. Жонс, Нганнугийн аль нэг нь биш бол өөр тулаанчтай үзэхэд болохгүй юмгүй” гэж онцолжээ.

Түүнчлэн польш аварга “Би Жонсыг хагас хүнд жинд бараг бүх өрсөлдөгчөө ялсныг мэднэ. Гэхдээ тэр надтай тулалдаагүй. Уг нь Кори Андерсоныг ялсны дараа Ж.Жонстой тулалдуулахаа амалсан боловч бүтээгүй” гэж ярьсан юм. Түүнээс сурвалжлагч дээд жиндээ тулалдах эсэх талаар тодруулахад “Яагаад болохгүй гэж. Би их идэмхий хүн. Бага зэрэг жин нэмэхэд асуудалгүй. Тиймээс дээд жингийнхээ залуустай хүч үзэхэд бэлэн байна” гэсэн юм.

Тэрээр сүүлийн тулаандаа дунд жингийн босоо аварга Нигерийн “Хар дарсан зүүд” хочит Исраел Адесаняг шүүгчдийн саналаар ялж, Ж.Жонсын “орхисон” хагас хүнд жингийн аваргын бүсийг авсныг тулаан сонирхогчид маань мэдэх бизээ.

Биеийн өндөр 188 см, 93 кг жинтэй, жию жицүгийн хар бүстэй,мутай боксын суурьтай тулаанч нийт 36 удаа тулалдахдаа 28 ялснаас найман удаа хүнд цохилтоор, есөн өрсөлдөгчөө өчиг боолтоор, шүүгчдийн саналаар 11 хожил авч найман удаа дийлдсэн юм. Замналдаа Роналду Соуза, Люк Рокхольд, Тиаго Сантос, Доминик Рейес, Кори Андерсон зэрэг шилдгүүдийг ялж байв.

Сүүлд нэмэгдсэн

П.Буяндэлгэр Азийн бөхийн холбооны нарийн бичгийн даргаар томилогдов

Азийн бөхийн нэгдсэн холбооны хурал Казахстаны Алматы хотод болж байна. Энэхүү хурлаар Монголын чөлөөт бөхийн холбооны гадаад харилцааны албаны дарга… Дэлгэрэнгүй …

Луис Суарез “Ливерпүүл”-д буцаж ирэх үү

Луис Суарез энэ зуны солилцоо наймааны цонхоор “Атлетико Мадрид”-ыг орхиж хуучин баг болох “Ливерпүүл”-дээ эргэн очих хүсэлтэй байгаа талаараа Испанийн… Дэлгэрэнгүй …

“Барселона” болон “Реал Мадрид” энэ бол дэлхийн III дайн

Хөлбөмбөгийн ертөнцийн хамгийн заналт өрсөлдөгч нарын тулаан өнөөдөр болно. Энэ бол алдарт Эл Классико, Гранд Дерби. “Барса” болон “Реал”. Уг… Дэлгэрэнгүй …

Филип Адамс: Өмнөд Каролинагийн алуурчин

Нас барсан таван хүний хоёр нь насанд хүрээгүй хүүхэд байв. Өмнөд Каролинагийн Рок Хилл бол хүн амынхаа тоогоор муждаа тавдугаарт… Дэлгэрэнгүй …

Тони Надаль Феликс Оже-Альяссимыг дасгалжуулна

Их Дуулгын 20 түрүүтэй Рафаэль Надалийн авга ах бас дасгалжуулагчаар нь ажиллаж байсан Тони Надаль Канадын залуу теннисчин Феликс Оже-Альяссимын… Дэлгэрэнгүй …