Тайсон Фьюри ээлжит удаагаа Деонте Уайлдерийг ялав

10/10/2021 Нийтлэгч: 667

Тайсон Фьюри мэргэжлийн боксын хамгийн том холбоодийн нэг болох WBC-н бүсийг Деонтей Уайлдертай хийсэн хүнд тулааны эцэст амжилттай хамгааллаа. Энэ жил 33 настай британи эр арваннэгдүгээр үед өрсөлдөгчөө хүнд цохилтонд оруулж, 32 дахь мэргэжлийн тулаандаа ялагдаагүй хэвээр үлдэв.

Эхний удаад 2018 онд хийсэн анхны тулаанд Фьюри өрсөлдөгчөө илүүрхэж байсан ч тухайн үеийн дэлхийн аварга байсан Америк эртэй тэнцсэн билээ. Харин хоёр жилийн дараа британи эр мөнхийн өрсөлдөгчтэйгөө дахин тулалдсан бөгөөд энэ удаад техникийн нокаутаар ялж бүсийг эзэмших болсон юм. Тулааны дараа Деонтей Уайлдерийн талынхан Фьюриг бээлийнийхээ жинг тогтоосон хэмжээнээс илүү нэмсэн байсан гэж буруутгажээ.

Фьюри гуравдахь удаагаа Америк эртэй тулалдахыг хүсэхгүй байсан.Түүний өмнөө тавьсан зорилго нь саяхан дэлхийн аварга шалгаруулах тэмцээний бусад чухал бүсээ (WBA, WBO, IBF) Украины супер од Олександр Усикт алдсан Энтони Жошуатай хийх тулаан байсан юм.Харин бүх зүйл эсрэгээрээ өрнөж, Энтони Жошуа бүснүүдээ Усикт алдаж, спортын арбитрын шүүх ч Фьюриг гурав дахь удаагаа Уайлдертай тулалдах болсон тухай шийдвэр гаргасан юм.

Гурав дахь удаагийн тулааны өмнө хоёр өрсөлдөгч хэвлэл, олон нийтийн сүлжээгээр хоорондоо чамгүй олон үгс чулуудаад авсан. Фьюри Уайлдерыг “тэнүүлч”, “хэсэг ялгадас”гээд ,чи энэ тулааны дараа замналынхаа эхэнд ажиллаж байсан түргэн хоолны сүлжээнд дахин ажиллах болно” гэж байв.

Нийт 20000 үзэгчтэй Т-Мобил аренад тулаан хүлээж байсанчлан өрсөлдөөнтэй өрнөж нэг,хоёрдугаар үед Уайлдер илүү санаачлагатай довтолж байсан бол, гуравдугаар үед британи боксчин өрсөлдөгчөө баруун гарын хажуугийн цохилтоор унагаасан. Харин дөрөвдүгээр үед хүнд цохилтоос сэргэж амжсан америк эр өрсөлдөгчөө баруун гарын хүчтэй цохилтоор унагаав.Ийнхүү хүчтэй өрсөлдөөн өрнүүлсний эцэст арван нэгдүгээр үед Фьюри өрсөлдөгчөө хүнд цохилтод оруулж аваргын бүсээ амжилттай хамгааллаа.

Тулааны дараа: “Уайлдер бол хүнд гартай, цохилт даадаг, үнэхээр чанга залуу. Тулаан ч гайхалтай өрнөж. би өөрийгөө дэлхийн хамгийн шилдэг нь гэдгээ батлан харуулж чадлаа. Бүгд өнөөдөр Уайлдерийг хоёрдугаарт бичигдэж байгааг харсан. Есүс Христлээ болон тэмцээнийг үзэж сонирхсон, дэмжсэн бүх хүмүүст баярлалаа гэж хэлмээр байна гэж Фьюри ярилцлагаа өндөрлүүлжээ.

Хүнд тулааны дараа Уайлдер хөл дээрээ босж дэвжээг орхих үед Фьюри болон түүний булангийнхан алдарт Queen хамтлагийн “We are the champions” дууг дуулж баяраа тэмдэглэж байлаа.

Сүүлд нэмэгдсэн

Триатлоны аваргуудыг Ард койноор шагнана

Тэсвэр хатуужлын спорт-триатлоны Улсын аварга шалгаруулах тэмцээн долдугаар сарын 7-8-нд Архангай аймгийн Өгийнуурт болох юм. Тэмцээн элит, холимог багийн буухиа,… Дэлгэрэнгүй …

Сонирхогчдын улсын аваргууд тодорлоо

Даам сонирхогчдын улсын аварга шалгаруулах тав дахь удаагийн тэмцээн 2022 оны зургадугаар сарын 3-5-ны өдрүүдэд Орхон аймгийн төв Эрдэнэт хотноо… Дэлгэрэнгүй …

Даам сонирхогчдын 2022 оны улсын аварга шалгаруулах тэмцээний удирдамж

Нэг. Нийтлэг зүйл           1. Тэмцээний зорилго нь даамын спортыг сурталчилах, хичээллэгсдийн хамрах хүрээг өргөжүүлэх, сонирхогчдын улсын аваргуудыг тодруулахад оршино…. Дэлгэрэнгүй …

“Сонирхогчдын лиг 5” тэмцээн боллоо

Зуун буудалт даам сонирхогчдын хүрээг тэлэх, мэдлэг чадварыг хөгжүүлэх, зэрэг цолыг ахиулахад чиглэсэн Сонирхогчдын лигийн тэмцээнийг Монголын даамын холбоо 2019… Дэлгэрэнгүй …

Ц.Хашчулуун, Б.Мишээл нар “Ховд опен 2022”-д түрүүлэв

Ховд аймгийн “Алтайн хүлэгч” даамын холбоонос зохион байгуулсан нээлттэй тэмцээн 2022 оны 5 дугаар сарын 21-22-нд зохиогдлоо. Жаргалант сумын БТСГ-т… Дэлгэрэнгүй …