Г.Хэрлэнмөрөнгийн дөрөв дэх түрүү

12/06/2021 Нийтлэгч: 141

Зуун буудалт даамын оюутны улсын аварга шалгаруулах тэмцээн энэ сарын 4-5-ны өдрүүдэд Монголын үндэсний их сургууль дээр болж өндөрлөлөө. 14 дэх удаагаа зохиогдсон тус тэмцээнд 20 их, дээд сургуулийн эрэгтэй 28, эмэгтэй 24 даамчин өрсөлдсөн. Оролцогчдыг цол, зэргээр нь ангилбал Дэлхийн даамын холбооны мастер цолтой 2, Дэлхийн даамын холбооны дэд мастер 3, спортын мастер 8, дэд мастер 10, I зэрэгтэй 9, II зэрэгтэй 5, III зэрэгтэй 2 тамирчин байв.

Швейцарь системээр долоон тавил тоглож дүнгээ гаргахад эрэгтэйчүүдээс спортын мастер М.Лувсандорж (ШУТИС), спортын мастер Ц.Хатансайхан (“Энэрэл” дээд сургууль) нар адилхан 12 оноотой гарч, коэффициент буюу нэмэлт үзүүлэлтийн зөрүүгээр М.Лувсандорж түрүүлсэн юм. Хүрэл медалийг спортын мастер Ц.Төмөрбаатар (ШУТИС) 11 оноогоор хүртэв.

Эмэгтэйчүүдийн ангилалд Дэлхийн даамын холбооны мастер Г.Хэрлэнмөрөн (“Идэр” их сургууль) 12 оноогоор тэргүүлж, дөрөв дэх жилдээ дараалан аваргалсан бол спортын мастер Г.Дүүрэнбилэг (СЭЗИС) 11 оноогоор мөнгө, спортын мастер Б.Отгон-Эрдэнэ (“Ач” АУИС) 10 оноогоор хүрэл медалийн эзэн боллоо.

Тэмцээний шагналт дөрөвдүгээр байранд Дэлхийн даамын холбооны дэд мастер Н.Бат-Ирээдүй (ШУТИС), дэд мастер У.Номин-Эрдэнэ (ШУТИС) нар шалгарч, тусгай шагналыг Ховд аймгаас ирж оролцсон I зэргийн тамирчин Т.Тунгалагтамир (“Ховд” их сургууль), дэд мастер Б.Тунгалагтамир (“Ач” АУИС) нарт олголоо.    

Дашрамд сонирхуулахад Оюутны улсын аварга шалгаруулах анхдугаар тэмцээн 2008 онд зохиогдож, спортын мастер Э.Энх-Эрдэнэ эрэгтэй ангилалд, спортын мастер Г.Амгалан эмэгэтэй ангилалд түрүүлж байжээ.

Тэмцээний дүн

Эрэгтэй

Эмэгтэй

Сүүлд нэмэгдсэн

Монголын Хоккейн Холбооны 2021-2022 оны Лигийн аварга шалгаруулах тэмцээн. Дархан vs Билэгтхүү

Монголын Хоккейн Холбооны 2021-2022 оны Лигийн аварга шалгаруулах тэмцээний 2-р тойргийн Дархан vs Билэгтхүү багуудын тоглолтын хэсгээс Гэрэл зургийг: Базарсадын… Дэлгэрэнгүй …

Монголын Хоккейн Холбооны 2021-2022 оны Лигийн аварга шалгаруулах тэмцээн. Багануур vs Дархан

Монголын Хоккейн Холбооны 2021-2022 оны Лигийн аварга шалгаруулах тэмцээн. Багануур vs Дархан Гэрэл зургийг: Базарсадын Баярсайхан

Монголын Хоккейн Холбооны 2021-2022 оны Лигийн аварга шалгаруулах тэмцээн. Шарын гол vs Хангарьд

Монголын Хоккейн Холбооны 2021-2022 оны Лигийн аварга шалгаруулах тэмцээн. Шарын гол vs Хангарьд Гэрэл зургийг: Базарсадын Баярсайхан

Налайхын аварга даамчид тодров

Нийслэлийн даамын холбооны Налайх дүүрэг дэх салбар зөвлөлөөс энэ сарын 27-ны өдөр дүүргийн даам сонирхогчдын дунд анхны аварга шалгаруулах тэмцээнээ… Дэлгэрэнгүй …

Ахмад даамчдын улсын аваргууд тодров

1986 оны улсын аварга, спортын мастер Ж.Нямдорж агсны нэрэмжит ахмад даамчдын 2021 оны улсын аварга шалгаруулах тэмцээн өнгөрсөн амралтын өдрүүдэд… Дэлгэрэнгүй …