Сонирхогчдын улсын аваргууд тодорлоо

12/20/2021 Нийтлэгч: 596

Даам сонирхогчдын улсын аварга шалгаруулах тэмцээн энэ сарын 18-19-ний өдрүүдэд нийслэл Улаанбаатар хотноо боллоо. Дөрөв дэх жилдээ зохиогдсон тус тэмцээнийг Монголын даамын холбоо, Нийслэлийн даамын холбоо, Монголын хараагүйчүүдийн үндэсний холбоо хамтран зохион байгуулсан юм. Тэмцээнд 15 аймаг, нийслэлийн 7 дүүргийн эрэгтэй 148, эмэгтэй 46 даамчин ухаанаа уралдуулсан бөгөөд оролцогчдыг цол зэргээр нь ангилбал дэд мастер цолтон 81, I зэрэгтэй тамирчин 58, II зэрэгтэй тамирчин 11, III зэрэгтэй тамирчин 10, зэрэггүй тамирчин 34 байв.

Швейцарь системээр 9 өрөг тоглож дүнгээ гаргахад эмэгтэй ангилалд дэд мастер Д.Наранмишээл (“Ирээдүй” клуб) 14 оноогоор түрүүлж, дэд мастер Д.Даваадэжид (“Сонгодог байрлал” клуб) 14, дэд мастер Б.Билгүүндарь (Баянхонгор) 13 оноогоор мөнгө, хүрэл медалийн эзэд боллоо. Шагналт IV-V байранд дэд мастер Ц.Цацрал (“Алтан хүү” клуб), У.Номин-Эрдэнэ (ШУТИС) нар шалгарсан байна.

Эрэгтэй ангилалд 2019 оны алтан медальт дэд мастер Ё.Бат-Өлзий (Говьсүмбэр) 15 оноогоор аваргалж, сонирхогчдын улсын хошой аварга боллоо. Мөнгөн медалийг Л.Нэргүйбаатар (Увс) 15, хүрэл медалийг дэд мастер Т.Дагвадорж (Баянхонгор) 14 оноогоор хүртсэн. Шагналт IV-V байранд I зэргийн тамирчин У.Болдбаяр (Ховд), дэд мастер Г.Санчир (Хөлөгт тоглоом) нар шалгарчээ.

Тэмцээний дэлгэрэнгүй дүнг дараах холбоосоор үзнэ үү.

Эмэгтэй – https://results.fmjd.org/tournaments/2021/f_1375/final_standings&9.html

Эрэгтэй – https://results.fmjd.org/tournaments/2021/f_1378/final_standings&9.html

Сүүлд нэмэгдсэн

“Амжилтын гараа” лигийн тэмцээний удирдамж

11 хүртэлх насны өсвөрийн тамирчдад зориулсан “Амжилтын гараа” лигийн тэмцээний удирдамжтай танилцаарай. Бүртгүүлэх холбоос

Залуучуудын УАШТ-ий дүн

20 дахь удаагийн залуучуудын улсын аварга шалгаруулах тэмцээн шинэ үеийн уран зохиолыг үндэслэгчдийн нэг Сономбалжирын Буяннэмэхийн мэндэлсний 120 жилийн ойд… Дэлгэрэнгүй …

“Сонирхогчдын лиг – 5” тэмцээний удирдамж

Нэг. Нийтлэг зүйл 1. Тэмцээний зорилго нь зуун буудалт даамын спортыг сурталчлах, хичээллэгсдийн хамрах хүрээг өргөжүүлэх, цар тахлын улмаас тасалдсан… Дэлгэрэнгүй …

Шигшээ тэмцээнд оролцох даамчид тодров

Насанд хүрэгчдийн улсын аварга шалгаруулах эрэгтэйчүүдийн 25, эмэгтэйчүүдийн 24 дэх удаагийн хагас шигшээ тэмцээн 2022 оны тавдугаар сарын 6-8-нд “Монгени”… Дэлгэрэнгүй …