Монголын хөлбөмбөгийн хамгийн том тэмцээн болох Үндэсний дээд лигийн хоёрдугаар тойрог өнөөдөр 16:15 цагаас “Төв Азарганууд”, “Эрчим” багуудын тоглолтоор эхэлнэ. 

“Эрчим” есөн тоглолтын дараа 20 оноотой хүснэгтийн хоёрдугаар байрт бичигдэж байна. Лигийн 13 удаагийн аварга “Эрчим” клуб Аргентин улсын легионеруудаар хүчээ зузаатгаж, аваргын төлөө өрсөлдөхөөр хаврын тоглолтуудаа эхлүүлж буй нь энэ юм. 

Өрсөлдөгч “Төв Азарганууд” клуб нь одоогоор нэг ч оноо авч амжаагүй явна. Оноо аваагүйгээс гадна есөн тоглолтод – 109 бөмбөгний зөрүүтэй байгаа нь дээд лигт ховор тохиолддог тааруу үзүүлэлт болоод буй. Гэхдээ тэд энэ удаад шинэ бүрэлдэхүүнтэй хоёрдугаар тойргийг эхлүүлнэ. 

Аварга авах зорилготой “Эрчим”, тааруу үзүүлэлтүүдээ мартаж, лигт үлдэх хүсэлтэй “Төв Азарганууд” багуудын тоглолт 16:15 цагаас МХБХ-ны цэнгэлдэх хүрээлэнд болно.