Хөлбөмбөгийн ДАШТ-д улсаа төлөөлөн тоглолт дэнсэлсэн Ираны шүүгч Алиреза Фагханиг эмэгтэй хүнтэй гар барьж, тэврэлдсэн хэмээн шүүмжилжээ.

Иран шүүгч ДАШТ-д дөрвөн тоглолтод шүүсэн. Үүнээс Англи, Бельгийн хүрлийн төлөөх тоглолтод ажилласан нь түүнийг хэр шудрага шүүдэг болохыг нь харуулж буй хэрэг.

Гэхдээ Ираны Исламын хуулийн дагуу бол яаралтай тусламж үзүүлэхээс бусад үед эмэгтэй хүнд хүрэхийг ичгүүр, сонжуургүй үйлдэл гэж үздэг байна. Тиймээс шүүгч эрийн үйлдлийг зарим иранчууд шүүмжилж, шийтгэл хүлээлгэх ёстой хэмээн бухимдсан аж.

Gentleman. Period. #AlirezaFaghani pic.twitter.com/BKXyGVf1UO

— Alireza Taba (@alirezat) July 13, 2018

Харин шүүгч өөрийнхөө үйлдлийг өмгөөлсөн ярилцлага өгөхдөө “Тэр эмэгтэй бол коллежид хамт сурсан найз маань. Бас дотны найз өөр нэг шүүгчтэй гэрлэсэн бүсгүй. Энэ үйлдэл маань бусдын дургүйцлийг хүргэсэн бол уучлаарай. Гэхдээ яагаад намайг буруутгаж байгааг ойлгохгүй байна. Би түүнийг 2013 оноос хойш мэднэ. Тэр надад ДАШТ-ийг шүүж байгаад минь баяр хүргэсэн юм. Хэрвээ энэ нь асуудал болж байгаа бол би гэр бүлээ аваад энэ улсаас явах хэрэгтэй юм байна” гэж ярьжээ.