Аргентинийн хөлбөмбөгчин, 25 настай хаалгач Фасундо Эспиндола гудамжинд болсон зодооны үеэр хорвоог орхисон юм. Харамсалтай нь энэ хэрэгт хөлбөмбөгчин Нахуэл Овьедо тэргүүтэй хэсэг залуусыг саатуулсан нь тодорхой болжээ. Хэрэг явдал өнгөрсөн ням гаригт болсон бөгөөд Буенос Айрес хотод хэсэг залуус хоорондоо муудалцсан аж. Эх сурвалжийн мэдээлснээр Нахуэл Овьедо түүний парагвай найзуудыг энэ хэрэгт холбогдуулан баривчилсан гэнэ. Хохирогчийг хоолой тус газар нь хутгалж амь насыг нь хөнөөсөн бололтой.



Испанийн “Marca” уг зодооны бичлэгийн зарим хэсгийг буюу гудамжны хянах камерт бичигдсэн хэсгийг олон нийтэд үзүүлжээ. Нас барсан хаалгачийн хувьд “Ривер Плэйт”-ийн хөлбөмбөгийн академид суралцаж, 2013 онд мэргэжлийн хөлбөмбөгчний гараагаа “Алмагро” багаас эхэлж байв. Хамгийн сүүлд Уругвайн “Клуб Атлетико” багт данстай байжээ. Харин сэжигтэн Н.Овьедо 2011 онд дээрэм хийсэн хэргээр тоглох эрхээ хасуулж байсан аж.