Олон улсын хөлбөмбөгийн холбоо (FIFA)-гаас оны шилдэг эрэгтэй хөлбөмбөгчний төлөө тунаж үлдсэн 10 тамирчныг зарлав. Португалын шигшээ болон Италийн “Ювентус” клубийн довтлогч Криштиану Роналду гурав дахь жилээ дараалан авахаар шилдэг 10-т үлдлээ. Хэрвээ тэр зорилгодоо хүрвэл дэлхийн шилдэг хөлбөмбөгчнөөр зургаа дахь удаагаа тодрох юм.

OFFICIAL | The nominees for #TheBest FIFA Men’s Player 2018:
Cristiano Ronaldo
Kevin De Bruyne
Antoine Griezmann
Eden Hazard
Harry Kane
Kylian Mbappe
Lionel Messi
Luka Modric
Mohamed Salah
Raphael Varane

For the period 3 July 2017-15 July 2018 pic.twitter.com/bqt8tDWY8d

— FIFA.com (@FIFAcom) July 24, 2018

Түүнтэй ижил үзүүлэлттэй байгаа Аргентинийн Леонил Месси, ДАШТ-ий алтан бөмбөгийн эзэн Хорватын Лука Модрич, шинэхэн дэлхийн аваргууд болох Кильян Мбаппе, Антоин Гриззман, Рафаэль Варене нар энэ жагсаалтад багтжээ. Түүнчлэн Английн Премьер лигийн шилдгүүд болох Мохамед Сала, Харри Кэйн, Кевин Де Бруин, Эдин Азер шилдэг 10-т нэрлэгдлээ.

Дэлхийн шилдэг эрэгтэй хөлбөмбөгчнийг тодруулахад хэвлэл мэдээлэл, шигшээ багийн дасгалжуулагчид болон ахлагчид, мөн олон нийтийн санал асуулгыг харгалзаж үздэг. Эдгээр санал бүрээс нийт саналын 25 хувийг бүрдүүлэх юм. Ямартай ч хоёр гаруй хугацаанд санал асуулга үргэлжилж, ирэх есдүгээр сарын 24-нд болох ёслолын ажиллагаанаас өмнө ялагчийг тодруулах журамтай.

Оны шилдэг хөлбөмбөгчнөөс гадна шилдэг дасгалжуулагчийн нэрсийг зарлав. Английн шигшээ багийн дасгалжуулагч Гарет Саутгэйт, Премьер лигийн дээд амжилт тогтоосон “Манчестер Сити”-гийн испани мэргэжилтэн Пэп Гуардиола, “Реал Мадрид”-ыг Аваргуудын лигт түрүүлэхэд үнэтэй хувь нэмрээ оруулсан Зинедин Зидан, ДАШТ-ий мөнгөн медальт Хорватын Златко Далич, дэлхийн аварга Францын Дидье Дешам, ДАШТ-ий хүрэл медальт Бельгийн Роберто Мартинес, ОХУ-ын шигшээ багийн дасгалжуулагч Станислав Черчесов нар тунаж үлдлээ. Тэднээс гадна Италийн “Ювентус”-ыг Сери А-гийн аварга болгосон Массимилиано Аллегри, “Ливерпуль”-ийг Аваргуудын лигийн финал руу хөтөлсөн Юрген Клопп, Европа лигийн аварга “Атлетико Мадрид”-ын аргентин мэргэжилтэн Диего Симон, Ла лигийн аварга “Барселона”-г удирдсан Эрнесто Валверде нар санал асуулгад үлджээ.