Жүдо: Л.Сосорбарам залуучуудын ДЭЛХИЙН АВАРГА боллоо

3 сарын өмнө Нийтлэгч:

Марокко улсын Марракеш хотод жүдо бөхийн залуучуудын ДАШТ болж буй. Тэмцээний эхний өдөр эмэгтэйчүүдийн 52 кг-д залуучуудын олимпын мөнгөн медальт Л.Сосорбарам түрүүлж, Монголын жүдочдын түүхэнд хоёр дахь, эмэгтэйчүүдээс анхны алтан медалийг авлаа.

81 орны 517 жүдоч (294 эрэгтэй, 223 эмэгтэй) цугларсан

Энэ удаагийн залуучуудын ДАШТ-д нийт 81 орны 517 жүдоч (294 эрэгтэй, 223 эмэгтэй) оролцож байгаа билээ. Манай улсаас 15 жүдоч (7 эрэгтэй, 8 эмэгтэй) хүч сорьж буй юм.

Эхний өдөр эрэгтэйчүүдийн 60, 66, эмэгтэй 48, 52 кг жин явагдсан. Эмэгтэйчүүдийн 52 кг-д залуучуудын олимпын мөнгөн медальт Л.Сосорбарам эхний даваанд Германы Анника Вурфелийг, хоёрдугаар тойрогт Узбекистаны Сита Кадамбоеваг, хэсгийн аваргын төлөө Нидерландын Наоми ван Кревелийг ялсан. Улмаар медалийн төлөөх барилдаанд Бразилын Ларисса Пиментаг нэмэлт цагт вазари үнэлгээгээр буулгаж авсан юм.

Тайванийн бөх Сү Лин Сүан

Аваргын төлөө Тайванийн жүдоч Сү Лин Сүаныг иппоноор илүүрхэж, алтан медалийн эзэн боллоо.

Ийнхүү Л.Сосорбарам залуучуудын ДАШТ-ээс алтан медаль хүртсэн Монголын хоёр дахь жүдоч болов. Түүнээс өмнө 2014 онд Ө.Дүүрэнбаяр үеийн тамирчдаа манлайлсан түүхтэй. Монголын жүдочдоос 2008 оноос хойш жил бүр залуучуудын ДАШТ-ээс ямар нэгэн медаль хүртсэн. Харамсалтай нь, өнгөрсөн жилийн ДАШТ-ээс медальгүй ирсэн гашуун түүх бий.

Манай жүдочид нийт залуучуудын ДАШТ-ээс нийт 17 медаль хүртжээ.

АЛТ (2)

Ө.Дүүрэнбаяр (+100 кг, 2014*)

Л.Сосорбарам (эмэгтэй -52 кг, 2019)

МӨНГӨ (7)

Д.Төмөрхүлэг (60 кг, 2008, 2009*)

Н.Цэнд-Аюуш (эмэгтэй -70 кг, 2011)

Ө.Дүүрэнбаяр (+100 кг, 2013)

Ц.Цогтбаатар (60 кг, 2014, 2015*)

Л.Энхрийлэн (эмэгтэй 57 кг, 2017)

ХҮРЭЛ (8)

Б.Тэмүүлэн (+100 кг, 2008)

Б.Мөнгөнчимэг (эмэгтэй -63 кг, 2013)

Б.Амартүвшин (55 кг, 2014, 2015*)

Б.Ганбаатар (55 кг, 2014)

Г.Наранцэцэг (44 кг, 2015)

Л.Өнөболд (55 кг, 2017)

Ж.Амарболд (60 кг, 2017)

Сүүлд нэмэгдсэн

UFC 246: Конор МакГрегор түүх бүтээв

Холимог тулааны UFC холбооны шилдгүүдийн нэг Конор МакГрегор эргэн ирлээ. Хамгийн сүүлд 2018 оны аравдугаар сарын 7-нд UFC 229 тулаанд Хабиб Нурмагомедовт ялагдсан ирланд эр 15 сарын дараа АНУ-ын тулаанч “Ковбой” хочит Дональд Серронетой тулалдсан юм.

Жүдо: 2021 оны ДАШТ Ташкент хотод болно

Олон улсын жүдо бөхийн холбоо, Узбекистан улсын жүдо бөхийн холбоо нар хамтран ажиллах гэрээ байгууллаа. Уг гэрээгээр 2021 оны насанд хүрэгчдийн ДАШТ-ийг Узбекистаны нийслэл Ташкент хотод зохион байгуулах болов.

Хөлбөмбөг: “Барселона”-гийн шинэ дасгалжуулагч Кике Сетьений тухай 8 баримт

Испанийн алдарт “Барселона” клуб дасгалжуулагч Эрнесто Велвердег халж, Кике Сетьенийг томилсон билээ.

WNBA: Эмэгтэй тамирчдын үнэлгээ өсөв

WNBA-гийн тамирчид тохиролцоон хүрлээ.

Теннис: Утаа асуудал дагуулав

Австралийн Мельбурн хот утаатай байгаа нь мэргэжлийн тамирчдад асуудал болжээ.