Токио 2020: Марафоны уралдааныг Саппород зохион байгуулна

3 сарын өмнө Нийтлэгч:

“Токио 2020” зуны олимпын марафон болон спорт алхалтын төрлийг Саппоро хотод зохион байгуулах болжээ.

Нийслэл Токиогоос 800 км зайд орших Хоккайдо мужийн Саппоро хөнгөн атлетикийн марафон болон спорт алхалтын төрлийг зохион байгуулах болжээ. Токиод олимпын үеэр хэт халах эрсдэл өндөр тул цаг агаарын хувьд харьцангуй таатай байдаг Саппоро хотыг сонгосон гэнэ.

Токиод өнгөрсөн зун хэт халж, үүний улмаас багадаа 50 гаруй хүн өөд болсон гашуун түүх бий.

“Токио 2020” олимпыг зохион байгуулагчид ид халууны үеэр тамирчдад ирэх ачааллыг багасгах үүднээс олон шинэлэг санаа дэвшүүлсэн. Марафоныг өглөөний 6:00 цагт эхлүүлж, тусгай будаг цацаж, сэрүүцүүлсэн зам дээр уралдахаар төлөвлөсөн юм.

Өмнөх жилүүдэд Токиод зуны улиралд хэт халж, багадаа 50 гаруй хүн нас барсан

Олон улсын олимпын хорооны энэ гэнэтийн шийдвэрийг Олон улсын хөнгөн атлетикийн холбооны тэргүүн Себастьян Ко дэмжиж байгаагаа илэрхийлжээ. Ийм шийдвэр гарахад саяхан Катарын Доха хотод болсон хөнгөн атлетикийн ДАШТ чухал нөлөө үзүүлсэн юм. Хэт халууны улмаас тус тэмцээн тамирчдад багагүй дарамттай байсан билээ.

Сонирхуулахад, эмэгтэй марафоны төрөл ирэх оны наймдугаар сарын 2-нд, эрэгтэйчүүд нь олимпын сүүлийн өдөр буюу наймдугаар сарын 9-нд болно. Харин эрэгтэйчүүдийн 20 км спорт алхалтын төрөл долдугаар сарын 31-нд болж, олимпын анхны медальтнууд тодрох юм.

Сүүлд нэмэгдсэн

NBA: Леброн Жэймс сэтгэцийн эмгэгтэй найздаа тусална

Хоёр туйлт сэтгэцийн эмгэгээсээ болоод нэгэн үе NBA-д зүтгэж явсан Делонт Уэст одоо орон гэргүй, гудамжинд амьдрах болсон юм. Саяхан… Дэлгэрэнгүй …

Теннис: Мария Шарапова их спортоо орхих уу

ОХУ-ын нэрт теннисчин, Их Дуулгын таван түрүүтэй Мария Шарапова ирэх жилийн Австралийн нээлттэй тэмцээнд оролцох эсэхээ мэдэхгүй, ирээдүйдээ итгэлтэй биш… Дэлгэрэнгүй …

Допинг: Румыний хүндийг өргөлтийн тамирчнаас хориотой бодис илэрчээ

Румыний хүндийг өргөлтийн тамирчин 2012 оны Лондоны олимпийн үеэр допинг хэрэглэсэн нь батлагдлаа. Ийнхүү Лондоны олимпод оролцсон Румыний хүндийг өргөлтийн… Дэлгэрэнгүй …

UFC 246: Конор МакГрегор түүх бүтээв

Холимог тулааны UFC холбооны шилдгүүдийн нэг Конор МакГрегор эргэн ирлээ. Хамгийн сүүлд 2018 оны аравдугаар сарын 7-нд UFC 229 тулаанд Хабиб Нурмагомедовт ялагдсан ирланд эр 15 сарын дараа АНУ-ын тулаанч “Ковбой” хочит Дональд Серронетой тулалдсан юм.

Жүдо: 2021 оны ДАШТ Ташкент хотод болно

Олон улсын жүдо бөхийн холбоо, Узбекистан улсын жүдо бөхийн холбоо нар хамтран ажиллах гэрээ байгууллаа. Уг гэрээгээр 2021 оны насанд хүрэгчдийн ДАШТ-ийг Узбекистаны нийслэл Ташкент хотод зохион байгуулах болов.