Теннис: Мария Шарапова их спортоо орхих уу

2 өдрийн өмнө Нийтлэгч:

ОХУ-ын нэрт теннисчин, Их Дуулгын таван түрүүтэй Мария Шарапова ирэх жилийн Австралийн нээлттэй тэмцээнд оролцох эсэхээ мэдэхгүй, ирээдүйдээ итгэлтэй биш байгаа гэдгээ ярьсан юм.

Их Дуулгын таван түрүүтэй, үүнээс 2008 онд Австралийн нээлттэй тэмцээнд түрүүлж байсан Мария Шарапова өнөө жил эхний тойрогт Хорватын теннисчин Донна Векичд 6:3, 6:4-өөр хожигдсон. Тэрбээр мөрний гэмтлийн улмаас өнгөрсөн есдүгээр сард өндөрлөсөн Америкийн нээлттэй тэмцээнээс хойш ердөө хоёрхон удаа талбайд гарсан билээ.

Уг тоглолтын дараа сэтгүүлчид түүнээс дараа жилийн Их Дуулгад оролцох зорилго байгаа эсэхийг асуухад тэр ирээдүйдээ итгэлтэй биш байгаагаа хэлсэн аж.

Өдгөө 32 настай, орос бүсгүй энэ жилийн тэмцээнд цагаан хуудсаар оролцсон. Өөрт нь ийм том хүндэтгэл үзүүлсэн зохион байгуулагчдад талархаж байгаагаа илэрхийлээд дараагийн 12 сард юу болохыг хэлж мэдэхгүй байна гэж хариулжээ.

М.Шарапова 2003 оноос хойш Австралийн нээлттэй тэмцээнд хүч сорьсон бөгөөд замналдаа гурав дахь удаагаа эхний шатанд хожигдлоо. Түүнчлэн сүүлд оролцсон гурван Их Дуулгад дараалан ялалт авч чадаагүй юм.

Сүүлд нэмэгдсэн

NBA: Леброн Жэймс сэтгэцийн эмгэгтэй найздаа тусална

Хоёр туйлт сэтгэцийн эмгэгээсээ болоод нэгэн үе NBA-д зүтгэж явсан Делонт Уэст одоо орон гэргүй, гудамжинд амьдрах болсон юм. Саяхан… Дэлгэрэнгүй …

Теннис: Мария Шарапова их спортоо орхих уу

ОХУ-ын нэрт теннисчин, Их Дуулгын таван түрүүтэй Мария Шарапова ирэх жилийн Австралийн нээлттэй тэмцээнд оролцох эсэхээ мэдэхгүй, ирээдүйдээ итгэлтэй биш… Дэлгэрэнгүй …

Допинг: Румыний хүндийг өргөлтийн тамирчнаас хориотой бодис илэрчээ

Румыний хүндийг өргөлтийн тамирчин 2012 оны Лондоны олимпийн үеэр допинг хэрэглэсэн нь батлагдлаа. Ийнхүү Лондоны олимпод оролцсон Румыний хүндийг өргөлтийн… Дэлгэрэнгүй …

UFC 246: Конор МакГрегор түүх бүтээв

Холимог тулааны UFC холбооны шилдгүүдийн нэг Конор МакГрегор эргэн ирлээ. Хамгийн сүүлд 2018 оны аравдугаар сарын 7-нд UFC 229 тулаанд Хабиб Нурмагомедовт ялагдсан ирланд эр 15 сарын дараа АНУ-ын тулаанч “Ковбой” хочит Дональд Серронетой тулалдсан юм.

Жүдо: 2021 оны ДАШТ Ташкент хотод болно

Олон улсын жүдо бөхийн холбоо, Узбекистан улсын жүдо бөхийн холбоо нар хамтран ажиллах гэрээ байгууллаа. Уг гэрээгээр 2021 оны насанд хүрэгчдийн ДАШТ-ийг Узбекистаны нийслэл Ташкент хотод зохион байгуулах болов.