Чөлөөт бөх: Азийн АШТ-д оролцох бөхчүүдийг зарлав

6 сарын өмнө Нийтлэгч:

Чөлөөт бөхийн 2020 оны насанд хүрэгчдийн ААШТ хоёрдугаар сарын 18-23-нд Энэтхэгийн нийслэл Шинэ Делид болно. Эрэгтэйчүүдийн 33, эмэгтэйчүүдийн 23 дахь удаагийн тэмцээнд оролцох Монгол Улсын шигшээ багийн бүрэлдэхүүн тодорлоо. Энэ удаагийн Азийн аваргад манай улс чөлөөт бөхийн төрөлд эрэгтэй, эмэгтэй бүтэн багаараа, сонгомол бөхийн төрөлд нэг тамирчин хүч үзнэ. Энэ жилийн УАШТ-ий алтан медальт найм, мөнгөн медальт ес, хүрэл медальт гурван бөх Энэтхэгийн дэвжээнд зодоглох бөгөөд манай бүрэлдэхүүний тал нь тивийн шилдгүүдтэй анх удаа нүүр тулах юм. Дасгалжуулагчаар Монгол Улсын гавьяат дасгалжуулагч Ц.Баярсайхан, үндэсний шигшээ багийн дасгалжуулагч ОУХМ Б.Батзориг, эмчээр Б.Ганзолбоо, шүүгчээр олон улсын нэгдүгээр зэргийн шүүгч Ю.Батсайхан нар ажиллах аж.
Монголын эрэгтэй бөхчүүд 1989 онд Японы Оараид, бүсгүйчүүд 2000 онд БНСУ-ын нийслэл Сөүлд болсон тивийн аваргад анх оролцсоноос хойш 25 алт, 67 мөнгө, 97 хүрэл, нийт 187 медаль хүртсэн амжилтаараа наймдугаарт бичигддэг юм.

Дашрамд дурдахад, чөлөөт бөхийн Азийн АШТ-ээр олимпын эрх олгохгүй. Ирэх гуравдугаар сарын 27-28-нд урд хөршид болох Азийн эрх олгох тэмцээн, дөрөвдүгээр сарын 30-нд Болгарт дэлхийн эрх олгох тэмцээнд манай тамирчид өрсөлдөх юм.


АЗИЙН АВАРГАД ЗОДОГЛОХ БҮРЭЛДЭХҮҮН:

Эрэгтэй:

  • 57 кг: Батжаргалын Төгс
  • 61 кг: Намсрайн Ганбаяр
  • 65 кг: Баттулгын Нямдорж
  • 70 кг: Энхтуяагийн Тэмүүлэн
  • 74 кг: Занданбудын Сумъяабазар
  • 79 кг: Дамжингийн Батзул
  • 86 кг: Ганбаатарын Ганхуяг
  • 92 кг: Мөнхбаатарын Цогтгэрэл
  • 97 кг: Баасанцогтын Өлзийсайхан
  • 125 кг: Доржхандын Хүдэрбулга

Эмэгтэй:

  • 50 кг: Бямбасүрэнгийн Мөнхнар
  • 53 кг: Ганбаатарын Отгонжаргал
  • 55 кг: Мөнхболдын Дөлгөөн
  • 57 кг: Эрхэмбаярын Даваачимэг
  • 59 кг: Алтанцэцэгийн Батцэцэг
  • 62 кг: Пүрвээгийн Номин-Эрдэнэ
  • 65 кг: Зоригтын Болортунгалаг
  • 68 кг: Энхсайханы Дэлгэрмаа
  • 72 кг: Энхбаярын Цэвэгмэд
  • 76 кг: Ганбатын Ариунжаргал

Сонгомол бөх:

  • 60 кг: Мөнх-Эрдэнийн Даваабанди

Сүүлд нэмэгдсэн

Английн премьер лигийн сүүлийн 10 жил

Английн лигийн сүүлийн 10 жилийг 5 минутанд.

Наадам 2020: Улсын арслан П.Бүрэнтөгс түрүүллээ

Тулгар төрийн 2229, Их Монгол улсын 814, ардын хувьсгалын 99 жилийн ой, үндэсний их баяр наадамд хүчит 512 бөх зодоглосон… Дэлгэрэнгүй …

Наадам 2020: Долоон начин, гурван харцага төрлөө

Хүчит бөхийн барилдааны зургаагийн даваанд Өмнөговь аймгийн Ханхонгор сумын харьяат, улсын начин Цэдэнбазарын Одбаяр цэргийн арслан, шинээр начин болсон Т.Дүгэрдоржийг… Дэлгэрэнгүй …

Наадам 2020: Есөн шинэ начин төрлөө

Хүчит бөхийн барилдааны тавын даваа буюу начны даваанд улсын аварга дөрөв, улсын арслан гурав, гарьд нэг, заан хоёр, харцага нэг,… Дэлгэрэнгүй …

Наадам 2020: Харцагууд нурсан дөрвийн даваа

Тулгар төрийн 2229, Их Монгол улсын 814, ардын хувьсгалын 99 жилийн ой, үндэсний их баяр наадамд хүчит 512 бөх барилдаж… Дэлгэрэнгүй …