Усанд сэлэлт: Олимпын гурван удаагийн аварга Сүн Ян найман жилээр эрхээ хасуулав

02/28/2020 Нийтлэгч: 1028

Олимпын гурван удаагийн аварга, БНХАУ-ын нэрт усанд сэлэгч Сүн Ян найман жилээр эрхээ хасууллаа.

Сүн Яныг 2018 оны есдүгээр сард допингийн шинжилгээнээс зугтсан тул эрхийг нь хассан юм. Өдгөө 28 настай хятад эрийг 2019 оны нэгдүгээр сард Олон улсын усан спортын холбоо (FINA)-ноос буруугүй хэмээн үзэж, цагаатгасан. Тэгвэл допингийн эсрэг төв (WADA)-өөс спортын арбитрын шүүхэд хандаж, Сүн Яны уг хэргийг дахин хэлэлцэж эхэлсэн билээ.

Улмаар шүүхээс допингийн асуудалд дахин холбогдсон Сүн Яныг найман жил эрхийг нь хасах арга хэмжээ авлаа. Тэрбээр өмнө нь буюу 2014 онд допинг хэрэглэсэн нь тогтоогдсон ч ердөө гурван сараар эрхээ хасуулж байв.

Гэхдээ Сүн Ян зүгээр суухгүй. Хятадын Шинхау агентлагт өгсөн ярилцлагадаа тэр давж заалдана гэдгээ мэдэгджээ. Шүүхийн шийдвэр гарсанаас хойш 30 хоногийн дотор давж заалдах эрх нээлттэй байдаг аж.

Өнгөрсөн жилийн усанд сэлэлтийн ДАШТ-ээр Сүн Яныг эсэргүүцсэн тамирчид цөөнгүй гарсан. Тухайлбал, 200 метрийн чөлөөт сэлэлтэд медаль хүртсэн Их Британийн Данкан Скотт түүнтэй хамт шагналын тавцанд зогсохоос татгалзсан юм. Үүний дараа 400 метрийн чөлөөт сэлэлтэд медаль зүүсэн Австралийн Мак Хортон мөн ийм эсэргүүцэл үзүүлсэн билээ.

Сүн Ян олимпын гурван алтан медальтайгаас гадна 2011 оноос хойш ДАШТ-ээс 11 удаа түрүүлсэн. Өнгөрсөн жил БНСУ-д болсон дэлхийн аваргаас хошой алт зүүсэн юм.

Сүүлд нэмэгдсэн

Сонирхогчдын улсын аваргууд тодорлоо

Даам сонирхогчдын улсын аварга шалгаруулах тав дахь удаагийн тэмцээн 2022 оны зургадугаар сарын 3-5-ны өдрүүдэд Орхон аймгийн төв Эрдэнэт хотноо… Дэлгэрэнгүй …

Даам сонирхогчдын 2022 оны улсын аварга шалгаруулах тэмцээний удирдамж

Нэг. Нийтлэг зүйл           1. Тэмцээний зорилго нь даамын спортыг сурталчилах, хичээллэгсдийн хамрах хүрээг өргөжүүлэх, сонирхогчдын улсын аваргуудыг тодруулахад оршино…. Дэлгэрэнгүй …

“Сонирхогчдын лиг 5” тэмцээн боллоо

Зуун буудалт даам сонирхогчдын хүрээг тэлэх, мэдлэг чадварыг хөгжүүлэх, зэрэг цолыг ахиулахад чиглэсэн Сонирхогчдын лигийн тэмцээнийг Монголын даамын холбоо 2019… Дэлгэрэнгүй …

Ц.Хашчулуун, Б.Мишээл нар “Ховд опен 2022”-д түрүүлэв

Ховд аймгийн “Алтайн хүлэгч” даамын холбоонос зохион байгуулсан нээлттэй тэмцээн 2022 оны 5 дугаар сарын 21-22-нд зохиогдлоо. Жаргалант сумын БТСГ-т… Дэлгэрэнгүй …

Өсвөрийн даамчид лигийн тэмцээнтэй боллоо

Монголын даамын холбоо, “Хөлөгт тоглоом” клубээс хамтран зохион байгуулж буй өсвөрийн даамчдын “Амжилтын гараа” лигийн тэмцээн 2022 оны тавдугаар сарын… Дэлгэрэнгүй …