Б.Чинзориг олимпын эрх авлаа

1494

Йорданы Амман хотод Ази, Номхон далайн орнуудын олимпын эрх олгох тэмцээн болж байгаа билээ.

Өнөөдөр манай дөрвөн боксчин олимпын эрхийн төлөө тулалдах юм. Эрэгтэйчүүдийн 63 кг-д Баатарсүхийн Чинзориг шөвгийн наймд ДАШТ-ий хүрэл медальт, Энэтхэгийн Маниш Каушикийг 3:2-оор ялснаар “Токио 2020”-ыг зорих эрхээ авлаа.

Энэтхэг эр өнгөрсөн жилийн ДАШТ-д хүрэл медаль зүүхдээ гуравдугаар тойрогт Б.Чинзоригийг ялж байв. Энэ удаад манай тамирчин даагаа нэхлээ. Хагас шигшээд Узбекистаны боксчин Элнур Абдураймовтой тулалдана.

Эмэгтэйчүүдийн 57 кг-д олимпын эрхийн төлөө тулалдсан Т.Болортуул Австралийн Скае Николсонд 5:0-ээр дийлдсэн юм.

Өнөөдөр эмэгтэйчүүдийн 60 кг-д М.Намуун Энэтхэгийн Симранжит Каур Бааттай, эрэгтэйчүүдийн 75 кг-д О.Бямба-Эрдэнэ Индонезийн Роберд Мускитатай тус тус тулалдана.