М.Уранцэцэг дэлхийгээс дөрвөн медаль хүртсэн анхны монгол жүдоч

06/07/2021 Нийтлэгч: 316

Унгарын Будапешт хотод өнөөдөр жүдо бөхийн ДАШТ нээлтээ хийлээ. Тэмцээний эхний өдөр эмэгтэйчүүдийн 48 кг-д хөдөлмөрийн баатар М.Уранцэцэг, Г.Наранцэцэг, эрчүүдийн 60 кг-д Л.Өнөболд нар барилдлаа.


Эмэгтэйчүүдийн 48 кг-д нийт 42 жүдоч хүч сорьсон юм. Манай улсаас хөдөлмөрийн баатар М.Уранцэцэг, Г.Наранцэцэг нар зодоглов.

М.Уранцэцэг “С” хэсгийг тэргүүлсэн. Эхний шатанд хийлээд БНСУ-ын Юүнжү Ог, дараа нь Казахстаны Г.Отгонцэцэгийг ялсан ч хэсгийн аваргын төлөө Японы Вакана Когад дийлдсэн юм.

Улмаар дагах барилдаанд Францын Ширинэ Боуклыг ялснаар хүрлийн төлөө барилдах эрхтэй болсон билээ. Медалийн төлөө ДАШТ-ий хүрэл медальт, Косовогийн Дистра Красникиг торгуулиар ялснаар дэлхийн аваргын тэмцээнээс дөрвөн медальтай анхны монгол жүдоч боллоо. Д.Красникитай өмнө нь гурван удаа таарч барилдаад нэг ялж хоёр хожигдсон үзүүлэлттэй байжээ.

Дистра Красникитай хийсэн барилдааны бичлэг

М.Уранцэцэг ДАШТ-ээс алт, мөнгө, хошой хүрэл медаль хүртсэн. Дэлхийн дэвжээнээс медаль зүүсэн 16 монгол жүдоч байдгаас хос медальтай нь Урнаагаас гадна Д.Сумъяа (3), Х.Цагаанбаатар (2), Г.Болдбаатар (2) нар юм.

Өнгөрсөн гуравдугаар сард нас нэмсэн Урнаа 31 нас, 84 хоногтойдоо дэлхийгээс медаль авснаар эмэгтэйчүүдээс хамгийн ахмад насандаа медаль хүртсэн монгол жүдоч болов. Түүний өмнө Н.Түвшинбаяр аварга 33 нас 93 хоногтой дэлхийн медальтан болж байлаа.

Энэ жинд барилдсан залуу жүдоч Г.Наранцэцэгийн хувьд Сербийн Николич Миличад дийлдсэн юм.

Г.Наранцэцэгийн барилдааны бичлэг

ЭМЭГТЭЙ 48 КГ:

  1. Нацүми Цүнада (Япон)
  2. Вакана Кога (Япон)
  3. Мөнхбатын Уранцэцэг (Монгол)
    Жулия Фигуэро

Эрэгтэйчүүдийн 60 кг-д энэ жил 46 жүдоч зодоглолоо. Манай улсаас Л.Өнөболд ганцаараа оролцсон юм. Тэрбээр эхний даваанд Украины Дилшот Халматовыг, дараа нь АНУ-ын Адонис Диазыг, гуравдугаар тойрогт Эквадорын Ленин Прекиадог тус тус ялаад хэсгийн аваргын төлөө Казахстаны Гусман Кыргызбайевт хожигдлоо. Манай жүдоч дагах барилдаанд Японы Рию Нагаяамаг хэсэгтээ ялсан Азербайжаны Карамат Хусейновт дийлдэж барилдаанаа дуусгав. Манай бөхийг ялсан азербайжан залуу хүрлийн төлөө Казахстаны Магзан Шамшадиныг вазаригаар буулган авч, дэлхийн медальтан болжээ.

Л.Өнөболдын барилдааны бичлэг

ЭРЭГТЭЙ 60 КГ:

  1. Яго Абуладзе (RJF)
  2. Гусман Кыргызбайев (Казахстан)
  3. Франческо Гарригос (Испани)
    Карамат Хусейнов (Азербайжан)

Сүүлд нэмэгдсэн

Монголын Хоккейн Холбооны 2021-2022 оны Лигийн аварга шалгаруулах тэмцээн. Дархан vs Билэгтхүү

Монголын Хоккейн Холбооны 2021-2022 оны Лигийн аварга шалгаруулах тэмцээний 2-р тойргийн Дархан vs Билэгтхүү багуудын тоглолтын хэсгээс Гэрэл зургийг: Базарсадын… Дэлгэрэнгүй …

Монголын Хоккейн Холбооны 2021-2022 оны Лигийн аварга шалгаруулах тэмцээн. Багануур vs Дархан

Монголын Хоккейн Холбооны 2021-2022 оны Лигийн аварга шалгаруулах тэмцээн. Багануур vs Дархан Гэрэл зургийг: Базарсадын Баярсайхан

Монголын Хоккейн Холбооны 2021-2022 оны Лигийн аварга шалгаруулах тэмцээн. Шарын гол vs Хангарьд

Монголын Хоккейн Холбооны 2021-2022 оны Лигийн аварга шалгаруулах тэмцээн. Шарын гол vs Хангарьд Гэрэл зургийг: Базарсадын Баярсайхан

Налайхын аварга даамчид тодров

Нийслэлийн даамын холбооны Налайх дүүрэг дэх салбар зөвлөлөөс энэ сарын 27-ны өдөр дүүргийн даам сонирхогчдын дунд анхны аварга шалгаруулах тэмцээнээ… Дэлгэрэнгүй …

Ахмад даамчдын улсын аваргууд тодров

1986 оны улсын аварга, спортын мастер Ж.Нямдорж агсны нэрэмжит ахмад даамчдын 2021 оны улсын аварга шалгаруулах тэмцээн өнгөрсөн амралтын өдрүүдэд… Дэлгэрэнгүй …