“Ханжоу 2022” Азийн Наадмын гурван алтын нэг, сонирхогчдын боксын ДАШТ-ий мөнгөн медальт Б.Чинзоригоос допинг илэрсэн болохыг International Testing Agency (ITA) мэдээллээ.
Манай боксчноос энэ сарын 4-нд авсан шинжилгээгээр Метандиенон Метаболит гэдэг бодис илэрсэн болохыг дээрх сайтад дурджээ.
Манай тамирчин энэ шийдвэртэй санал нийлэхгүй бол Б сорьцоо шинжлүүлэх эрхтэй, бүр цаашлаад спортын арбитрын шүүхэд хандаж болохыг тодотгожээ.
Метандиенон Метаболит бодис нь 2005 оноос Олон улсын допингийн эсрэг төв (WADA) -ийн хориглосон бодист орсон бэлдмэл юм.
Азийн наадамд допинг илэрсэн тамирчид:
| Нэр | Улс | Төрөл |
| Жастин Браунли | Филиппин | Сагсан бөмбөг |
| Самл Бзал | Йордан | Сагсан бөмбөг |
| Халтхам Билал Алсаадл | Катар | Дугуй |
| Буяндэлгэр Эрдэнэзул | Монгол | Хүндийг өргөлт |
| Весам Нассер | Саудын Араб | Хөнгөн атлетик |
| Техан Теленов | Туркименистан | Кураш |
| Алексей Фомовски | Узбекистан | Дугуй |
| Ариана Теа Патриш Дормиторло | Филиппин | Дугуй |
| Юсеф Мохаммед Аласири | Саудын Араб | Хөнгөн атлетик |
| Халбар Мохаммад Нууристани | Афганистан | Бокс |