Азийн хамгийн хүчтэй лигийн аварга багуудыг нэгтгэсэн “East Asia Super League”-д Монголын үндэсний дээд лигийн аварга баг оролцох боломж нэмэгдлээ.

Тус лигт Азийн топ лигүүд болох Японы B league, БНСУ-ын KBL, Тайваний P league, Филиппиний PBA лигийн аварга багууд оролцдог юм.

Тэгвэл өчигдөр Макао-д болсон тус лигийн хурлын үеэр Монголын сагсан бөмбөгийн холбооны ерөнхий нарийн бичгийн дарга С.Төгжаргал оролцож 2024-25 оны Үндэсний дээд лигийн аварга багаа оролцуулах хүсэлтээ албан ёсоор илэрхийлээд байна.

Ингэснээр МСБХ-ны Монголын Үндэсний дээд лигийн аварга баг олон улсын түвшинд “Basketball Champions League (BCL)”, “East Asian Super League (EASL)”-дэд оролцох боломжтой болж буй юм.