Бокс: Н.Төгсцогт – К.Маррейрогийн хэвлэлийн бага хурал боллоо (фото)

1 жилийн өмнө Нийтлэгч:

Энэ сарын 27-нд (Улаанбаатарын цагаар) АНУ-ын Нью-Йорк хотын Бруклин дүүрэгт мэргэжлийн боксын тулаан болно. Эл өдөр одоогоор эзэнгүй байгаа IBO холбооны аваргын бүсийн төлөө Н.Төгсцогт, Доминиканы боксчин Клаудио Маррейротой тулалдах юм.

Дунд жингийн дэлхийн аварга Кэйт Турман бэртлээ эдгээгээд эргэн ирж, олон жил аваргын бүсийн төлөө өрсөлдөж буй Жосесито Лопестой нударга зөрүүлнэ. Энэ бол Бруклинд болох гол тулаан. Гэхдээ монголчуудын хувьд Нью-Йоркийг зорих өөр шалтгаан бий. Лондоны олимпийн мөнгө, ДАШТ-ий дэд аварга Нямбаярын Төгсцогт, цагтаа мэргэжлийн боксын дэлхийн аварга цол эзэмшиж байсан Доминиканы Клаудио Маррейротой тулалдах билээ.

Клаудио Маррейро

Энэ тулааны өмнөх сүүлийн хэвлэлийн бага хурал өнөөдөр болсон юм. Хэвлэлийн бага хурлын үеэр К.Маррейро “Жингийнхээ шилдгүүд болох Лео Санта Крус, Гари Рассель нартай нударга зөрүүлэх эрх олж авахын тулд их шаргуу хөдөлмөрлөсөн.

Би өрсөлдөгчөө үргэлж хүндэлдэг. Гэхдээ түүнийг (Н.Төгсцогтыг хэлэв) намайг ялах хэмжээнд ирсэн гэдэгт итгэхгүй байна. Би өөрийгөө ялна гэдэгт итгэлтэй байгаа. Үүний төлөө өөрийгөө 100% дайчилж, бэлтгэлээ хийсэн” гэж ярьсан юм.

Н.Төгсцогт

Харин Н.Төгсцогт “Энэ бол миний удаан хүсч байсан тулаан. Мэргэжлийн боксчин болсноос хойш маш их туршлагатай болсон. Үүнийгээ бямба гаригт (Монголд ням гаригт) харуулах болно. Бэлтгэл маань жигдэрсэн, одоо зөвхөн тулаандаа анхаарч байгаа. Манай багийнхан маш сайн тактик бэлтгэсэн байгаа. Дасгалжуулагчийнхаа хэлснээр явбал ялна гэдгээ мэдэж байна” хэмээн ярьжээ.

Н.Төгсцогтын тулааныг үзэхээр АНУ-д амьдардаг 300 гаруй монголчууд тасалбар худалдаж авсан аж. Түүнчлэн Монголоос ч олон алдартнууд зорьж очсон сураг бий. Тодруулбал, МҮОХ-ны ерөнхий нарийн бичгийн дарга, олимпийн аварга боксчин Э.Бадар-Ууган тэргүүтэй урлаг, спортын алдартнууд эрх чөлөөний орныг зорьж, Н.Төгсцогтоо дэмжихээр төлөвлөжээ.

Сүүлд нэмэгдсэн

Бахархал: Энхийг сахиулагчид манлайлсаар

ИБНАУ-д явагдаж байгаа НАТО-гийн тэргүүлсэн “Шийдвэртэй дэмжлэг” олон улсын ажиллагаанд ХБНГУ-ын Зэвсэгт хүчинтэй хамтран үүрэг гүйцэтгэж байгаа Монгол Улсын Зэвсэгт… Дэлгэрэнгүй …

Хөлбөмбөг: Рональдино шоронгоос суллагдлаа

Хуурамч бичиг баримтын асуудалд орооцолдсон нэрт хөлбөмбөгчин Рональдино 32 хоног шоронд хоригдсоныхоо дараа суллагдлаа. Нэрт хөлбөмбөгчинг гэрийн хорионд байлгах нөхцөлөөр… Дэлгэрэнгүй …

Covid 19: К.Роналду цалингаа хасуулсан ч…

Италийн “Ювентус” клуб тоглогч болон дасгалжуулагчдынхаа цалинг танах тохиролцоонд хүрсэн анхны хөлбөмбөгийн баг болсон билээ. Энэ багт дэлхийн хамгийн алдартай… Дэлгэрэнгүй …

Токио 2020: 2021 оны долдугаар сарын 23-нд олимпын нээлт болно

ОУОХ, Токиогийн олимпыг зохион байгуулах хорооноос “Токио 2020”-ыг ирэх оны долдугаар сарын 23-нд зохион байгуулахаар тохиролцсон гэж Японы “Майничи” мэдээлжээ…. Дэлгэрэнгүй …

ТОКИО 2020: Олимпын шинэ товыг ирэх гурван долоо хоногт зарлана

ОУОХ (IOC) өчигдөр видео хурал зохион байгуулж, “Токио 2020” олимпын шинэ товыг гурван долоо хоногийн дотор зарлахаа мэдэгдэв. ОУОХ-ноос “Токио… Дэлгэрэнгүй …