Дубайд болсон 2,000,000 ам.долларын шагналын сантай тэмцээнд Монгол улсаа төлөөлөн амжилттай оролцсон, шинэ үеийн спортын ертөнцөд амжилттай яваа Зевс (Zeus) багийн бүрэлдэхүүнд баяр хүргэе.
ЗЕВС И-Спортс багийн тухайд:
Одоогийн бүрэлдэхүүн:
| Хоч | Овог, нэр | Үүрэг | Нэгдсэн |
|---|---|---|---|
| Undaak | Сүхбаатарын Ундрах (ахлагч) | Sniper | 2018 |
| Ronin | Оросоогийн Бат-Оргил | Attacker | 2019 |
| Zyol | Баярцэнгэлийн Золбоот | Attacker | 2020 |
| Abely | Нямлхагвагийн Дулаанжаргал | Attacker | 2019 |
| ICY | Батнасангийн Тэнгис | Attacker | 2020 |
| Godless | Баатархүүгийн Билгүүн | Attacker | 2020 |
Гаргасан амжилтууд:
- 2021-01-26: PUBG Mobile Global Championship 2020 Finals: 3-р байр (100,000 ам.доллар)
- 2020-12-20: PUBG Mobile Global Championship Season 0 League : 12-р байр (8000 ам.доллар)
- 2020-11-12: PUBG Mobile Club Open – Fall Split 2020: Wildcard шигшээ тоглолт 1-р байр (Global Championship эрх)
- 2020-09-15: PUBG Mobile Club Open – Fall Split 2020: Wildcard 1-р байр (2600ам.доллар)
- 2020-03-08: PUBG Mobile Club Open – Spring Split 2020: Wildcard 2-р байр (1600ам.доллар)
PUBG Mobile Global Championship
Тэмцээний тухайд:
PUBG Mobile Global Championship олон улсын аварга шалгаруулах тэнцээн Арабын нэгдсэн Эмират улсын Дубай хотноо Кока-Кола Арена-д нэгдүгээр сарын 21-нээс нэгдүгээр сарын 26-ны өдрүүдэд явагдаж өндөрлөлөө.
Энэхүү тэмцээнд нийт 13 улсын 16 баг тамирчид 6 өдөр, нийт 29 раунд өрсөлдсөн ба Монгол улсаа төлөөлөн ZEUS eSports баг оролцож гуравдугаар байрт шалгарч өөрсдийгөө маш хүчтэй өрсөлдөгч гэдгээ харуулж чадлаа.
Тэмцээний сүүлийн өдөр маш өрсөлдөөнтэй өнгөрсөн бөгөөд ZEUS sSports баг нийт 292 оноо авч Four angry men баг 294 онооноос ердөө 2 оноогоор дутсан юм. Харин дэлхийн аврага болсон Nova eSports баг 319 оноо буюу 27 онооны зөрүүтэйгээр илүүрхлээ.
Тэмцээний нийт шагналын сан $1,200,000 Америк Доллар.
Багуудын байр эзэлсэн байдал:
| Байр | Баг | Шагнал | Улс |
|---|---|---|---|
| 1 | Nova eSports | 700,000 ам.доллар | БНХАУ |
| 2 | Four angry men | 200,000 ам.доллар | БНХАУ |
| 3 | ZEUS eSports | 100,000 ам.доллар | Монгол |
| 4 | Natus Vincere | 40,000 ам.доллар | Украйн, ОХУ |
| 5 | Bigetron RA | 25,000 ам.доллар | Индонези |
| 6 | KoninaPower | 20,000 ам.доллар | Казахстан,Беларус,ОХУ |
| 7 | Team Secret | 17,000 ам.доллар | Малайз |
| 8 | Klas Digital Athletics | 15,000 ам.доллар | Турк |
| 9 | A7 eSports | 12,000 ам.доллар | Бразил |
| 10 | Secret Jin | 11,000 ам.доллар | Тайланд |
| 11 | RRQ Athena | 10,000 ам.доллар | Тайвань |
| 12 | Futbolist | 10,000 ам.доллар | Турк |
| 13 | Aerowolf LIMAX | 10,000 ам.доллар | Индонези |
| 14 | POWER888 KPS | 5,000 ам.доллар | Тайвань |
| 15 | A1 eSports | 5,000 ам.доллар | Бангладеш |
| 16 | Abrupt Slayers | 5,000 ам.доллар | Непал |
Тэмцээний шилдэг тоглогч:
(1998.10.19)
Зевс багийн тоглогчдын хувийн амжилт:
Тэмцээний нэгдсэн статистик:
Багуудын танилцуулга:
PUBG тоглоомын тухайд
PUBG – PlayerUnknown’s Battlegrounds
Тоглоомын үүсэл
Энэхүү тоглоомыг “Брендан Грийнэ” гэх залуу 2000 онд гарч байсан Японы Battle Royale киноноос санаа авч зохиосон. Өмнөд Солонгосын видео тоглоомын Bluehole компанийн охин компани болох PUBG корпорацийн боловсруулж хөгжүүлсэн онлайн тулаант тоглоом юм.
PUBG нь Microsoft Windows үйлдлийн системийн Steam Платформ дээр туршилтын хувилбараа 2017 оны гуравдугаар сард гарсан бөгөөд 2017 оны арванхоёрдугаар сард бүрэн хувилбартай болсон.
Тоглоомыг Microsoft Studios Xbox One-д зориулж тухайн сард Xbox Game Preview програмаар дамжуулан албан ёсоор гаргасан.
2018 оны есдүгээр сард PlayStation 4-т зориулсан хувилбар мөн тухайн оны хоёрдугаар сарын 09-нд Android болон iOS-д зориулсан үнэгүй тоглох гар утасны хувилбар болох PUBG Mobile гарсан.
Stadia урсгал платформын хувилбар 2020 оны дөрөвдүгээр сард гарсан. PUBG нь бүх цаг үеийн хамгийн их борлуулалттай, хамгийн их ашиг олсон, хамгийн их тоглогдсон видео тоглоомуудын нэг юм.
Энэхүү тоглоом нь 2020 оны байдлаар хувийн компьютерууд болон тоглоомын консолууд дээр 70 гаруй сая хувь зарагдсан бөгөөд үүнээс гадна PUBG Mobile 734 сая татан авалт хуримтлуулж, 2020 оны 12-р сарын байдлаар гар утасны төхөөрөмжүүд дээр 4.3 тэрбум гаруй долларын орлого олоод байна.
Тоглоомын үйл явдал
Тоглоомын үеэр 1-100 хүртэлх тоглогчид арал дээр шүхрээр үсрэн бууж, өөрсдийгөө алуулахаас зайлсхийж, бусдыг хөнөөх зэвсэг, хэрэгслийг хайж олон хоорондоо амьд үлдэхийн төлөө тэмцдэг.
Тоглоомын газрын зураг буюу байрлын аюулгүй тойрог (тоглох талбай жижгэрч тоглогчдыг шахалтанд оруулдаг) нь цаг хугацаа өнгөрөх тусам багасч, сүүлийн тоглогч эсвэл багаараа тойрогт зогсож амьд үлдсэн нь энэхүү тоглоомд хожно.
Бэлтгэсэн: Э.Шинэбаатар